Од 15:00 часот регионалниот пат Росоман- Прилеп, кај место викано „Трите ленти“ е отворен за сообраќај, соопшти АМСМ.
Од таму се додава дека Сообраќајот на државните патишта се одвива по влажни коловози.
Според АМСМ, интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
