Уапсени се две лица затекнати како вршат кражба во патничко возило, соопшти полицијата.
МВР соопшти дека приведувањето се случило на еден паркинг.
-Вчера (14.09), во 17.40 часот на паркинг простор во центарот на Скопје, полициски службеници од ЕВР Центар и ЕВР Карпош ги лишиле од слобода С.П.(34) и Д.А.(32), двајцата од Скопје. Тие биле затекнати при извршување тешка кражба во патничко возило „фолксваген голф“, информираат од МВР.
Одземените предмети се пронајдени и вратени на сопственикот. По известувањето на јавен обвинител и целосно документирање на случајот, против двајцата скопјани ќе биде поднесена соодветна пријава.
