Струга им се врати на победите, со одличниот меч против Шкендија на домашен терерн и заслужено дојдоа до трите бода.
Голот беше постигнат во 40 минута кога Цаке згреши, шо го искористи Малески и постигна гол за водство на Струга од 1:0, што се покажа и како конечен резултат.
Шкупи поради казната, во Кичево беше домаќин на Скопје, а чаирчани победија со 3:1. Скопје поведе уште во третата минута со гол на Настевски, но Шкупи брзо се врати и со голови на Цефас и Магвелашвили уште во првото полувреме направи резултататски пресврт. Во вториот дел Хамиди ги постави конечните 3:1.
Академија Пандев конечно се израдува на победа, го совлада Силекс со 3:0. Головите ги дадоа Донов, Трајков и Ангелов.
Со 3:0 победи и Тиквеш против Работнички. Ивановски, Миловановиќ и Христов погодија за кавадарчани.
В недела играат Македонија Ѓорче Петров и Брегалница. Слободна е екипата на Победа.
Резултати:
Струга ТЛ – Шкендија 1:0
Шкупи – Скопје 3:1
Академија Пандев – Силекс 3:0
Тиквеш – Работнички 3:0
Македонија ЃП – Брегалница недела
Победа – слободна
