Двајца пешаци се тешко повредени во две одвоени сообраќајни несреќи во Тетово. Првата несреќа се случила вчера околу 10.55 часот на бул.„Благоја Тоска“ кога автомобил „фолксваген голф“ со тетовски регистарски ознаки, управуван од Р.А.(65) од с.Ѓермо, удрил во пешакот М.А.(82) од Тетово.
По несреќата, М.А бил пренесен во Клиничка болница Тетово каде му биле констатирани тешки телесни повреди.
– Околу 23:05 часот на булеварот „Маршал Тито“ во Тетово ,автомобил „ауди А6“ со тетовски регистарски ознаки, управуван од Л.Љ.(25) од Тетово, удрило во пешакот А.У.(61) од Тетово.
По несреќата, А.У. бил пренесен во Клиничка болница Тетово каде му биле констатирани тешки телесни повреди, информираат од МВР.
Во двата случаи извршен е полициски увид.
