Протестна блокада на патот Неготино – Кавадарци направија денеска неготинските пензионери кои бараат исплата на поголеми пензии. На протестот тие соопштија дека не отстапуваат од барањата за линеарно зголемување на сите пензии за 5.000 денари и утврдување на најниската пензија на 18.000 денари. По блокадата, пензионерите со трансаренти во рацете поминаа низ улиците на Неготино.
-Ги бараме нашите пензионерски права и услови за подостоинствен живот. Ние сме разочарани од состојбите. Бараме повисок стандард, линеарно покачување на пензиите и минималната пензија која нема да биде под 18 илјади денари, рекоа пензионерите на протестот.
Минатиот петок, неготинските пензионери го блокираа на еден час влезот и излезот на Неготино откај Гевгелија, за, како што рекоа, да алармираат за нивните проблеми и да побараат нивно решавање.
Фото: Архива
