Српски државјанин е уапсен на на автопатот „Пријателство“, делница Табановце-Куманово. Во неговото возило биле пронајдени 12 мигранти од Непал.
– На 14.11.2023 околу 17.50 часот на автопатот „Пријателство“, делница Табановце-Куманово, полициски службеници од Полициската станица за граничен надзор Сопот го лишиле од слобода М.М.(34) од Република Србија. Во возило „фолксваген пасат“ со регистарски ознаки на друго возило, кое го управувал, биле пронајдени 12 лица мигранти од Непал, информираат од МВР.
М.М. бил предаден на полициски службеници од Полициската станица Куманово и по целосно документирање на случајот против него ќе биде поднесена соодветна пријава.
