НБА Ол-стар натпреварот за 2024 година ќе биде запишан вечно во историјата како прв во кој еден тим успеа да ја надмине границата од 200 постигнати поени. Во тоа успеа Истокот кој го совлада Западот со 211-186.
Натпреварот го одбележаа неверојатни 168 обиди за три поени од кои најмногу обиди му припаднаа на Дамиен Лилард.
Кошаркарот на Милвоки се обиди 23 пати зад линијата за три поени, а беше успешен во 11 обиди па собра 39 поени за што му припадна и трофејот „Коби Брајант“ кој се доделува на најкорисниот играч.
Во 50 поени и 8 скокови најрасположен кај Западот беше Карл Ентони Таунс, додека Никола Јокиќ и Лука Дончиќ имаа скромна реализација. Србинот постигна 13 поени и 9 асистенции, а Словенеот 7 поени, 7 скокови и 7 асистенции.
