И хеликоптер се вклучи во гаснењето на пожарот кој денеска утрово избувна помеѓу Нов и Стар Дојран при што биле зафатени и три куќи. Локалното население е евакуирано а повредени за среќа нема.
Во гаснењето на пожарот учествуваат и противпожарните бригади од околните градови и хеликоптер кој полни вода од езерото, но голем проблем преставува силниот ветар кој им ја отежнува работата.
Директорот на Центарот за управување со кризи, Стојанче Ангелов информираше дека има опасност од експлозии од неексплодирани гранати од минатите војни.
-На почетокот на Стар Дојран, од десна страна на високиот дел, каде што се одбранети куќите, но е опасно заради експлозии од неексплодирани гранати заостанати од Првата светска војна, минатите војни, соопшти директорот на ЦУК Стојанче Ангелов.
Според градоначалникот на Дојран, Анго Ангов вели дека овој пожар е подметнат бидејќи во близина на пожарот биле пронајдени канти од моторно масло.
