Трајко Славески или лаже, или навистина не го знае деловникот за работа на Советот кој го води, соопшти денеска Градот Скопје. Градската управа на чие што чело е градоначалничката Данела Арсовска реагираат откако претходно претседателот на Советот на Град Скопје одговори на барањата на приватните превозници и кажа дека разговори може да бидат иницирани само од градоначалничката Данела Арсовска.
-Имено, поврзано со барањата за измени на условите за приватните превозници вклучително и цената за овој превоз ги утврдува Советот на град Скопје, оттука јасно е дека барањето на приватните превозници е упатено на вистинска адреса до претседателот на Советот на град Скопје и до советниците, велат од град Скопје.
Во соопштението се додава дека до овој момент, Градоначалникот има доставено свое мислење во врска со барањето на приватните превозници.
-Свое мислење има доставено и Управниот одбор на ЈСП до претседателот на Советот Трајко Славевски. Време е Трајко Славевски да го научи Деловникот и да превземе одговорност за блокирањето на работата на Град Скопје, се потенцира во соопштението.
