Ставовите на претседателот Стево Пендаровски за настаните од 27 април се кристално јасни на македонската јавност и тие воопшто не зависеа од средбата со господинот Мицкоски, велат од Кабинетот на претседателот, по изјавите на лидерот на ВМРО-ДПМНЕ, Христијан Мицкоски, дека Пендаровски едно зборувал на средбата, а друго во јавноста.
Од Кабинетот на Пендаровски велат дека фактот што по вчерашната средба немало заедничко соопштение, ниту заедничка прес-конференција, јасно покажувало дека секој од соговорниците по средбата ги кажувал само своите ставови и оценки за тие настани.
-Претседателот Пендаровски никогаш во јавноста не коментира детали и барања од своите соговорници, особено оние кои се надвор од темите најавени за разговор, така што тоа нема да го направи ниту овој пат, велат од Кабинетот.
Лидерот на ВМРО-ДПМНЕ денеска рече дека Пендаровски ги сменил ставовите во јавноста под притисок на новинари и медиуми кои се под контрола на СДСМ и Заев.
