АД Пошта доби целосно ново раководство: Нов директор, заменик директор, како и членови на управен одбор. Прв човек на институцијата ќе биде Орхан Куртиши, а негов заменик ќе биде Николчо Угринов.
Заменик на Куртиши е Николчо Угринов од Струмица. Управниот одбор доби уште пет останати членови: Даница Јованова, Хатије Етеми, Агим Бафтија, Бојан Кереместевски и Дејан Николовски.
Куртиши е член на коалицијата ВЛЕН, а на оваа позиција доаѓа како досегашен прв човек на огранокот на Алтернатива во Куманово. Тој се заблагодари за укажаната можност да биде на оваа позиција.
АД Пошта се соочува со многу проблеми од претходното раководство како доцнење пратки, изгубени пратки, несоодветни услови и слично.
