Завршени се градежните активности на краците на улицата „Христофер Жефаровиќ“ во скопската општина Гази Баба, информира денеска Градот Скопје.
– Ги завршивме градежните работи на краците на ул. „Христофер Жефаровиќ“, улица која минатата година Град Скопје ја градеше и која беше во катастрофална состојба каде жителите се движеа по кал со децении, а воедно беше посочувана од нив како опасност по учесниците во сообраќајот, се наведува во соопштението.
Во него се додава дека екипите на ЈП „Улици и патишта“ кои ги изведуваат градежните работи по налог на Градот Скопје, завршија со асфалтирање на краците на оваа улица, со цел реализација на барањата на граѓаните согласно програмата „За модерно Скопје“.
