Почнувајќи од викендов па сѐ до наредниот петок Град Скопје ќе ја изврши четвртата фаза од дезинсекцијата против возрасни форми на комарци.
Авионската дезинсекција на подрачјето на градот Скопје, против возрасни форми на комарци, ќе се реализира на 15.08.2020 (сабота) и 16.08.2020 (недела), во раните утрински часови.
-Терестичната дезинсекција на подрачјето на градот Скопје, против возрасни форми на комарци, ќе започне на 17.08.2020 (понеделник) и ќе заврши најдоцна до 21.08.2020 (петок), во период од 21:00 до 3:00 часот, наредниот ден, соопштија од Градот Скопје.
Терестичната дезинсекција против ларви од комарци ќе се реализира на 19.08.2020 (среда), во текот на денот.
Да се надеваме дека овој пат прскањето ќе биде далеку поуспешно од претходните, бидејќи комарците и понатаму се честа појава во Скопје.
