Данската премиерка, Мете Фредериксен, најави дека Данска ќе ја испрати сета своја артилерија во Украина и ги повика европските земји да ги снабдуваат украинските вооружени сили со муниција и системи за противвоздушна одбрана, бидејќи сега им се повеќе потребни, пренесува Euromaidan Press.
Говорејќи на маргините на самитот за безбедност во Минхен, данската премиерка се пожали дека нема доволно чувство на итност во дискусиите на самитот во врска со трансферот на оружје, што на Украина „и’ требаат веднаш“.
Фредериксен рече дека европските лидери честопати ги посочуваат проблемите со производството како главна пречка за зголемување на понудата и сега отвораат нови одбранбени компании за идните потреби.
-Но, Украина од нас бара артилерија и муниција во моментов. И затоа ми е жал, пријатели, но има воена опрема во Европа. Не се работи само за производство. Имаме оружје, имаме муниција и системи за противвоздушна одбрана Тие мора да бидат испратени во Украина, рече Фредериксен.
Фредериксен исто така рече дека без оглед на тоа што моментално се случува во САД, Европа мора да преземе одговорност за сопствената безбедност: „Мораме да направиме повеќе“.
Американскиот Сенат неодамна донесе закон за странска помош, вклучувајќи 60 милијарди долари за Украина. Сепак, републиканците во Конгресот одбија да одобрат дополнителни средства и ја одложија седницата поради најавените празници до крајот на февруари.
Одлуката на Данска да испрати артилерија во Украина беше дочекана со ентузијазам во Киев. Антон Герашченко, советник на украинскиот министер за внатрешни работи, реагираше на изјавата на данскиот премиер: Ви благодарам, Данска! Тие се вистински пријатели“
