Германски експерти од Федералната криминалистика деновиве пристигнуваат во земјава за да ја помогнат во истрагата на несреќата во модуларната ковид-болница во Тетово.
Ова денеска го соопштија од владината прес-служба.
Станува збор за експертски тим кој доаѓа од Германија, поточно од Федералната криминалистичка полиција чија стручност е токму во национална и меѓународна соработка, истраги, истражувања и развој, со висока експертиза во поддршката при истраги, особено во делот на форензички науки, днк анализи, електронски истраги и идентификација.
Во специјалните задачи кои ги работи БКА е и тим кој работи на истраги со жртви во катастрофи и несреќи, велат од Владата.
Тимот експерти ќе соработува со МВР и ќе ја помага истрагата која ја води ОЈО.
