Професорката Гордана Силјановска-Давкова е какндидатка за претседател на македонија од редовите на ВМРО-ДПМНЕ. Таа jавно изрази благодарност до сите свои колеги и колешки кои ја уверувале дека е добро решение за кандидатка за претседателка.
-И во рекорден рок ги собраа потребните 30 потписи без да знам, истакна Силјановска-Давкова.
Таа додаде дека за една професорка по демократија, ова е драгоцено искуство. Се кандидира од објективни и субјективни причини. Тешко носи одлуки, но потоа стои зад нив, додаде Силјановска.
-Да се кандидирам, ме инспирира состојбата во која се наоѓаме, мене многу ме боли што другите држави повеќе нѐ ценат одошто ние самите. Во агонија се самите граѓани и време е за женска димензија во политиката, време е за консенсуз. Она што мене сите овие четири години ме инспирира е дека ако не се почитуваме себеси, не може да очекуваме почит од никого, рече Силјановска-Давкова.
Како што додаде, во земјата забележала дека она што го предава – не функционира.
-Нема да се однесувам како републикански монарх, ветувам дека моите кандидати ќе бидат најдобрите во Судскиот совет и не треба да се зачудите ако ме видите на протест со маргинализирани групи. Треба во Македонија навистина да дојде времето на жените, ќе ги почитувам различностите, видовме кога на клучни функции има жени, тогаш се можни промени. Без владеење на правото, без радикални промени, нема да исчекориме напред. Крајно време е да почнеме да спроведуваме механизми на граѓанска држава, заврши Силјановска-Давкова.
