Грците кај нас пазарат поевтино, Македонците кај нив пијат кафе и јадат гиро…

При секој продолжен викенд обично кај Гевгелија се формираат долги колони на возила кон грчката граница. Македонците сакаат да купат нешто од големиот шопинг мол „Космос“, во Солун да пијат кафе и да јадат гиро, да си направат селфи покрај море…

Но, има и доаѓање на Грци кај нас. Со малку поинаква намера. Грчката партија „Сириза“ посочува дека илјадници Грци одат во Македонија за да купат многу поевтини производи.

-Дури се купуваат и оние кои се извезени таму од Грција, посочи портпаролката на оваа партија Дора Авгери, јави дописничката на МИА од Атина.

Авгери воедно ја прашува Владата „дали едноставно се неспособни да се справат со профитерство или се заложници на конкретни интереси?“ Таа додава дека владината политика континуирано удира по приходите на домаќинствата, а Владата „бесрамно го лаже грчкиот народ“.

 

Претходна вестИран со дронови и проектили го нападна Пакистан, Пакистанците најавија дека ќе се одмаздат
Следна вестПрв концерт на Националниот џез оркестар во салата на НОБ