Независната угостителска комора во соработка со стопанската комора на Србија за сите заинтересирани македонски угостители и угостителски работници, вклучувајќи ги и музичарите без разлика дали се членки или не се членки на некоја комора или здружение, обезбеди бесплатна вакцинација во Ниш денеска и утре од 08:00 ДО 20:00 часот.
Вакцинацијата ќе биде во Спортскиот центар „Чаир“, а информацијата ја објави коморатат на својата фејсбук – страница.
Инаку овој викенд наши државјани масовно се на вакцина-туризам во соседна Србија. Од информациите од домашните и од српските медиуми, но и објави на Фејсбук, се дознава дека голем број наши граѓани чекаат во ред на Белградски саем за да се вакцинираат според термините кои ги добиле преку индивидувална регистрација, но исто така и автобуси со наши бизнисмени се во Белград и Ниш каде ќе се вакцинираат.
Први го скршија мразот новинари кои преку МАН минатата недела беа вакцинирани во Врање.
