Граѓаните во висок степен чувствуваат дека не можат да влијаат врз одлуките коишто се носат на ниво на општина, град Скопје и во државата. Ова го покажало истражувањето на во рамките на проектот „Дијалог со граѓанските организации – Платформа за структурно учество во ЕУ-интеграциите“ а спроведено во периофот февруари – март годинава. февруари-март 2022 година. Анкетата за ставовите на граѓаните е спроведена телефонски на национален примерок од 1.300 испитаници, додека за граѓанските организации со онлајн истражувања во кои се опфатени 270 граѓански организации.
-На прашањето „Колку можете да влијаете врз одлуките што се носат во вашата општина и држава?“ – најголем дел – над две третини одговориле дека „не можат“ и тоа 65 отсто во општината во која живеат, 75 проценти во Градот Скопје и 76 проценти на ниво на државата. Само четири проценти сметаат дека можат да влијаат врз одлуките во општината во која живеат, два проценти во Градот Скопје и три проценти во државата, се наведува во анализата.
На конференцијата насловена како „Високи надежи и големи падови: ставови на граѓаните и граѓанските организации и ефекти од секторските работни групи“ на којашто беа презентирани резултатите беше наведено дека секој четврти граѓанин верува дека процесот на преговори со ЕУ значителчно ќе го подорби животот.
-На прашањето „Дали сметате дека процесот на пристапни преговори со ЕУ ќе го подобрат животот на граѓаните во нашата земја?“ – најголем дел 34 отсто одговориле „да, до некаде“ и 30 проценти „да, значително ќе го подобри“, наспроти 31 отсто кои одговориле „не, нема да го подобри“ и пет проценти кои рекле „не знам“, покажа истражувањето.
