Уште половина ден и завршува изборната кампања за локалните избори во Македонија. Издржете!
Граѓаните треба да го издржат настојчивото бомбардирање со патриски ветувања за рајски живот во своите населени места. Политичарите треба да издржат оти толку се растрчани низ Македонија што чудо ќе биде ако не папсаат доколку уште трае кампањата – тие не се навикнати на толку работа.
Среќа вечерва на полноќ започнува изборниот молк. Агенцијата за аудио и аудиовизуелни медиумски услуги известувa дека од утре заклучно со 19 часот на 17 октомври, важат правилата за изборен молк.
Да, за време на молкот, медиумите продолжуваат да известуваат за изборниот процес, но престануваат сите облици на изборно медиумско претставување на учесниците во изборната кампања. Односно ќе ги нема многуприсутните реклами.
Од полноќ настапува период на послени средувања на мислите на гласичите – кому да му поверуваат дека дадените ветувања се остварливи и кандидатот знае и може да ги спроведе. Во недела со пенкало ќе го дадат одговорот.
