Казнети 161 возач во Скопје, 35 за брзо возење, 16 немале дозвола

Сообраќајната полиција во текот на вчерашниот ден (22 септември), спровела засилена контрола на територијата на град Скопје.

Како што информираат од МВР, изречени биле вкупно 161 мерка, меѓу кои за возење повеќе од дозволената брзина 35 санкции, 16 за возење без возачка дозвола, 5 за возење под дејство на алкохол, седум за технички неисправни и нерегистрирани возила.

Изречени биле и три мерки за неносење на сигурносен појас, четири за минување на црвено светло, 4 за возач почетник, 56 за непрописно паркирање.

Од ресорното министерство нагласуваат дека засилените акциски сообраќајни контроли ќе продолжат и во наредниот период.

Претходна вестНа 25 септември, во сабота е „Бела ноќ“
Следна вестВардар го „збриша“ Мешков за импресивна прва победа во ЛШ