Виктор Киплагат од Кенија победи денеска на Скопскиот маратон откако патеката долга 42 километри ја истрча во време од 2:15:09 часа и во доминантен стил ја однесе победата на 19. издание на оваа манифестација на којашто учествуваа повеќе од 11.000 учесници.
Втор низ целта мина неговиот сонародник Лабан со време од 2:16:03, додека третото место го освои македонскиот рекордер во маратон Дарио Ивановски со резултат 2:19:08.
Во женска конкуренција победи Рут Матебо од Кенија со време 2:8,48.
Во полумаратонската трка Поп Арсова постигна време од 1.21.19, по што следеа Греша Бакрачи со 1.23.20, а трета беше Наиле Сеферај со 1.29.53.
Кај мажите на полумаратонот најдобар беше Бен Фелтон од Велика Британија со 1.09.17, по што следеше Србинот Велимир Бојовиќ со 1.09.55, а трет беше Леонид Вандевски со 1.10.10.
