Поранешниот припадник на специјаните единици при МВР – Игор Спасов, осуден на 14 години за убиството на Мартин Нешкоски, од денеска ќе продолжи да ја одлежува казната затвор во КПУ – Идризово.
Тој од предполовина час е донесен во скопскиот затвор од Бугарија, каде беше фатен по меѓународна потерница.
Но она што е чудно е што Министерството за правда пред нешто повеќе од еден час соопти дека бугарските власти ја одобриле екстрадицијата, за по кусо време од зазтворот да кажат дека Спасов е веќе донесен.
Спасов на почетокот на минатиот месец беше уапсен во Софија по пријава за семејно насилство.
Спасов е осуден на 14 години затвор за убиството на Нешкоски што се случи на плоштадот во Скопје на прославата на победата на ВМРО-ДПМНЕ на парламентарните избори во 2011 година.
МВР распиша меѓународна потерница за Спасов на крајот на октомври 2019 година откако тој не се врати во затворот по завршување на лекувањето. Тој се бараше за доиздржување на казна затвор од седум години и три месеци.
