Денеска се одржа комеморација за прерано починатиот новинар Горан Гаврилов. Во неговото радио Канал 77 со аплауз за битката на Горан за медиумите, за новинарите, за слободата на говор, се простија семејството, негови колеги новинари, пријатели, роднини…
Гаврилов беше неуморен работник и успеа нешто што тешко се успева – направи радио кое опстојува три децении во македонскиот медиумски простор.
Неговиот колега, уредникот Столе Наумов, рече дека оваа година требало заеднички да прослават 30 години слободно радио, 30 години Канал 77.
Последното простување од Горан Гаврилов е во Градската капела во Штип од 14 до 15 часот, по што ќе биде погребан на Градските гробишта.