Најдобрата ракометна репрезентација на Македонија попладнево ги продолжува натпреварите на 28 Светски шампионат. Црвено жолтите по серијата од три порази во групата Ф , мундијалскиот настап го продолжуваат во Президент купот против репрезентациите на Алжир, Мароко и Тунис, во кој ќе разигруваат за пласман од 25 до 32 место на првенството,
Прв противник на нашиот подмладен состав кој разорача со своите игри на средбите со Норвешка, Холандија и Аргентина попладнево од 15 часот и 30 минути е селекцијата на Алжир.
Нашиот национален тим на дуелите со најслабите селекции на Мундијалот ќе има можност да го поправи впечатокот од групната фаза и да докаже и покаже дека Македонија сепак има тим кој би ја продолжил низата настапи на големите натпреварувања.
За најдобрата македонска селекција Светското првенство во Полска и Шведска е 12 големо натпреварување на кое настапува во низа.