Надворешната канцеларија за криминалистички работи Свети Николе поднесе кривична пријава против Д.Ј.(36) од с.Мустафино, светиниколско, поради постоење основи на сомнение за сторено кривично дело ,,затајување“
Пријавениот, вработен како економ во ЈЗУ Здравствен дом Свети Николе, во јуни, јули и август 2023 година, во 18 наврати на бензинска пумпа во Свети Николе полнел гориво во туби, а на вработените на бензинската пумпа им укажувал да изготвуваат испратници за фактура и им ги давал картичките со податоци за службените возила на Здравствениот дом кои му биле доверени, со што противправно присвоил гориво во вредност од 79.891 денари на штета на ЈЗУ Здравствен дом.
