Лионел Меси не тргна по стапките на Кристијано Роналдо и Карим Бензима и одлучи да ја одбие богатата понуда од Саудиска Арабија. Тој не се врати ниту во Барселона, одлучи негов нов клуб да биде Интер Мајами.
Аргентинскиот фудбалер Лионел Меси е официјално новото засилување на Интер Мајами, откако му истече договорот со Пари Сен Жермен.
– Донесов одлука да одам во Мајами. Се е 100 проценти потврдено, изјави Меси на почетокот.
Аргентинскиот фудбалски магионичар ги имаше најдобрите парични понуди од Саудиска Арабија, но тоа не беше пресудно во преговорите.
– Да се работеше за пари, ќе одев во Арабија или на друго место. Тоа беа многу пари. Точно е дека мојата конечна одлука не е донесена поради пари, објасни Аргентинецот за „Диарио Спорт“.
Тој објасни и зошто повторно не го облече дресот на Барселона за кој ги има најголемите и најубавите спомени. Меси помина 18 години во Барселона.
– Јас навивав за Барселона во текот на годината, јас сум навивач. Зборував многу со Ксавиер, секогаш имавме чисти ставови. Навистина сакав да се вратам во Барселона, го сонував тој сон. Но, по она што се случи пред две години, не сакав повторно да бидам во истата ситуација, оставајќи ја мојата иднина во туѓи раце. Сакав да бидам тој што ќе ја донесе одлуката, мислејќи на себе и на своето семејство. Слушнав дека ЛаЛига прифати сè за моето враќање, но има уште многу што треба да се направи. Слушнав дека клубот ќе мора да продава играчи и да ги намалува платите и едноставно не сакав да поминам низ тоа и да преземам одговорност за такво нешто. Веќе ме обвинуваат за многу работи кои не се точни од моето време во Барселона и уморен сум од тоа. Не сакав да се повтори такво нешто. Исто така, кога заминував, Ла Лига ги прифати предлозите на клубот, но потоа се покажа дека не е баш така. Се плашев дека истото може да се повтори и некој друг да одлучува за мојата и судбината на моето семејство. Сакав да имам целосна контрола при носењето на одлуката и затоа решив да одбијам да се вратам во Барселона. Иако многу би сакал, емотивно изјави Меси.
Тој не можеше да ги сокрие емоциите кога зборуваше за својот поранешен клуб.
– Немав можност да се поздравам со навивачите онака како што сакав. И мислам дека заслужив да ми се даде можност да се збогувам со нив на мој начин. Сè беше направено во брзање. Излегов како лошиот човек и не ми се допадна тоа, истакна Меси.
Тој повторно нагласи дека парите никогаш не играле пресудна улога во неговите трансфери.
„Парите никогаш не ми биле проблем. Не сме ни разговарале за договорот со Барселона. Ми испратија предлог, но никогаш не бил официјален, пишан и потпишан предлог. Никогаш не преговаравме за мојата плата, не се работеше за пари, инаку ќе се приклучев на Саудиска Арабија вели тој.
Меси вели дека сонувал да се врати во Барселона.
– Сонував да се вратам во Барселона, но никогаш не бев сигурен дека тоа ќе се случи, бидејќи многу добро се сеќавам на приказната од август 2021 година. Не сакав да им кажам на моите деца дека ќе се вратиме во Барселона, а потоа ништо. Бев тивок, вели Меси
Сепак, тој не е сигурен дека Барселона направила се што можела за него.
