Според пишувањата на црногорски медиуми, екипата на Морнар од Бар се откажува од АБА лигата. Клубот веројатно има финансиски проблеми, па голема е веројатноста дека нивното место ќе го заземе друг клуб, а тоа може да биде македонскиот шампион МЗТ Скопје.
Морнар е редовен учесник на регионалната лига од 2016 година, а поради немањето средства за наредната сезона ќе го отстапи местото на некој друг клуб. Во минатата сезона Морнар се бореше за опстанок со Борац и МЗТ Скопје во последните две кола, сепак, македонскиот шампион испадна. А доколку Морнар дефинитивно отстапи од лигата тогаш тоа е шанса за МЗТ Скопје да се врати во најсилната АБА лига.
Одлука се очекува да биде донесена во следните петнаесетина денови.
