Дојави за подметнати експлозивни направи денеска се добиени во осум скопски училишта, соопшти МВР.
Во соопштението се наведува дека се во тек антитерористички проверки.
-Денеска (01.12.2022) околу 14.20 часот во СВР Скопје е пријавено дека на меил адреси на седум училишта во Скопје е упатена закана за поставена експлозивна направа. Веднаш по добиената пријава, од полициски службеници се преземени мерки за безбедно евакуирање на училиштата и во тек се антитерористички проверки и се преземаат мерки за расчистување на случајот, наведува МВР.
Станува збор за училиштата „Раде Јовчевски-Корчагин“, „Орце Николов“, „Јосип Броз Тито“, „Панче Арсовски“, „Никола Карев“, „Владо Тасевски“, „Михајло Пупин“ и „Цветан Димов“.
Сите досегашни проверки на дојавите добиени во изминатиов период покажале дека тие се лажни.
„Скопско ехо“ веќе објави дека е во тек евакуацијата на учениците во гиманзијата „Раде Јовчевски – Корчагин“.
