Клиниката за гинекологија и акушерство во Вишеградска, Србија која неодамна го прослави својот век од постоењето, е референтна институција не само за Србија, туку и за целиот регион, истакна проф. д-р Александар Стефановиќ, директор на оваа клиника. Неодамна лекарите на оваа клиника изведоа импресивен подвиг спасувајќи го животот на дваесет и двегодишната девојка која во критична состојба беше пренесена од внатрешноста. Девојчето имало тумор во пределот на јајникот кој притискал други органи и предизвикал тешко воспаление во стомачната празнина.
Професорот Стефановиќ истакна дека операцијата траела три часа, при што од туморот биле извадени повеќе од 10 литри течност, а самиот тумор бил со големина од околу 70 сантиметри и тежок 25 килограми. Операцијата била успешна, а младата жена сега успешно закрепнува.
Професорот Стефановиќ посочува дека на Клиниката за гинекологија и акушерство во Вишеградска годинава се извршени над 500 циклуси медицински потпомогнато оплодување, со импресивна стапка на успех од над 35%, што е над светските стандарди. Исто така, се издвојува програмата за онкоплодност финансирана од државата, која опфаќа замрзнување на репродуктивните клетки на пациентите кои боледуваат од малигни заболувања.
Со поддршка на иницијативата на претседателот Вучиќ, Србија е вклучена во програмата за донирање репродуктивен материјал, што доведе до шест бремености од донирани клетки од странство, со очекување наскоро да се роди првото бебе.
