Огнена стихија денеска ги зафати објектите коишто се наоѓаат во кругот на поранешната фабрика „Треска. Огнот и густи облаци црн чад се издигнуваа над магацините и продавниците сместени во просториите на објектите на поранешниот капацитет за производство за мебел. На терен се излезени повеќе пожарникарски возила и пожарникари кои се обидуваат да го изгаснат пожарот.
Причините се уште не се познати а очевидците наведуваат дека прво се слушнала експлозија. Повремени „пукања“ или помали експлозии се слушаат и во моментов.
Голем дел од луѓето кои живеат во околните куќи стравуваат нивните домови да не настрадаат.
Овој простор е предмет на Детален урбанистички план околу кој во изминатиот период имаше многу расправии меѓу општина Центар, граѓански организации и сопственици на парцелите.
