Општина Центар набави16 смарт табли, проектори, тавански држачи за проектори и кабли, печатач и компјутери за основните училишта. Како што информираат од Општината, набавката е со цел основците да имаат комплетна можност за реализирање на современа настава.
– Нема ништо поважно од вложувањето во училиштата и образовните институции, каде што е развојот на нашата иднина. Вложувањето во квалитетното образование не подразбира само вложување во човечки ресурси или инфраструктурни зафати туку и во нагледните средства како важни во севкупниот наставен процес, изјави Горан Герасимовски, градоначалникот на Општина Центар.
Набавките се извршени од страна на одделението за образование при Општина Центар.
