Анжела Платон, поранешна репрезентативка на Македонија, која беше дел од „златната генерација“ на Кометал Ѓорче Петров, клубот со кој во 2002 година стана европски шампион е нов шеф на Стручниот штаб на сениорската екипа на ЖРК Вардар, соопшти клубот.
Платон повеќе години е дел од Вардар, каде што работеше со младинските екипи и со талентираните ракометарки. На почетокот од новата сезона таа беше вклучена во стручниот штаб на првиот тим, како помошник тренер на Александар Царчев, Од пролетниот дел Платон ќе биде прв тренер, а ќе остане и како предводник на младинската екипа.
Александар Царчев ќе продолжи да работи во Вардар, како тренер на голманите, во сите четири категории: пионерска, кадетска, младинска и во сениорска конкуренција.
