Спасена е постара жена која синоќа се фрлила во Крушевското езеро, соопшти полицијата.
МВР информира дека во саботата вечерта во 21.15 часот во ОВР Крушево било пријавено дека 68-годишна жена сака да се фрли во езерото во близина на Крушево.
-Полициски службеници се упатиле кон езерото и ја затекнале жената кога скокнала во езерото. Веднаш полицискиот службеник од полициската станица од општа надлежност Крушево, Н.П. скокнал во езерото по неа и ја спасил, по што е пренесена во Здравствен дом Крушево, се наведува во соопштението.
