Еден од македонските интернационалци кој континуирано игра во одлична форма последните неколку сезони, Мартин Поповски, ќе го продолжи својот престој во Швајцарија. Тој потпиша нов договор со Амичитија Цирих и ќе остане во овој клуб најмалку до 2026 година, односно ќе комплетира шест сезони.
Штипјанецот е најдобар стрелец оваа сезона на тимот од Цирих со 106 голови, а поголем дел од минутите на терен ги игра на десната бековска позиција. Поповски пред да замине за Швајцарија играше за Текстилец, Вардар Јуниор, Вардар и Пролет.
