На територијата на Град Скопје во повеќе наврати се уапсени повеќе лица. Кај нив била пронајдена марихуана, бела прашкаста материја, дробилка…
– Вчера во 21.00 часот на подрачјето на Центар, полициски службеници го лишиле од слобода Н.П.(32) од Скопје, затоа што кај него биле пронајдени и одземени марихуана и дробилка. Исто така вчера во 09.30 часот на подрачјето на Кисела Вода, полициски службеници од Единицата за интервентна полиција при СВР Скопје го лишиле од слобода П.Ј.(38) од Скопје, затоа што кај него била пронајдена и одземена марихуана.
Додека на подрачјето на Аеродром, полициски службеници од Единицата за интервентна полиција при СВР Скопје го лишиле од слобода А.А.(43) од Скопје, затоа што кај него била пронајдена и одземена бела прашкаста материја.
На 26.10.2023 во 14.40 часот на подрачјето на Ѓорче Петров, полициски службеници од Единицата за интервентна полиција при СВР Скопје го лишиле од слобода М.М.(29) од Скопје, затоа што кај него била пронајдена и одземена марихуана, информираат од МВР.
По целосно документирање на сите одделни случаи ќе следи соодветен поднесок против сторителите.
