Со тешки телесни повреди се здобила 60-годишна жена, а со полесни малолетник кога во нив удрило патничко возило синоќа во Ѓорче Петров, информира полицијата.
МВР соопштува дека вчера во 20.15 часот било пријавено дека се случила сообраќајка на крстосница од ул. „Ѓорче Петров” и ул.„Македонски војски” во Скопје.
-Патничко возило „бмв”, со скопски регистарски ознаки, управувано од Триесет и деветгодишниот А.С. од Скопје, удрило во пешаците Д.К.на возраст од 60 години од Пехчево и малолетен пешак од Скопје. Во незгодата Д.К. се здобила со тешки телесни повреди, а малолетникот со телесни повреди, констатирани во Комплексот клиники „Мајка Тереза”, се наведува во соопштението.
Извршен бил увид на местото на незгодата од увидна екипа од СВР Скопје.
