Моника Зајкова, пратеник во македонското Собрание и лидер на ЛДП, одговара на 10 прашања надвор од политиката:
- Три најсреќни моменти во животот?
-Тоа е секако денот кога го положив правосудниот испит, потоа денот кога станав тетка на прекрасниот Лука, а посебно бев среќна и оној ден кога фудбалската репрезентација на Македонија се пласираше на Европско првенство.
- Три работи кои се каете што сте ги направиле?
-Не се каам за ништо во животот. Се е или подарок или научена лекција.
- Тројцата Македонци од сегашноста со кои се гордеете?
-Ѓоко Зајков (фудбалер), Мерсиха Шукри (харфистка) и Дејан Георгиевски (таеквондист). И голема гордост е тоа што имав можност да растам во времето на Тоше Проески.
- Три работи кои Ве радуваат и три што Ве нервираат?
-Ме радува детската насмевка, кога ќе помогнам на некој повозрасен, а потоа ќе добијам негов благодарен поглед и кога ќе поклонам нешто.
Инаку, ме нервира кога луѓето не слушаат и игнорираат, односно, не комуницираат меѓу себе.
- Три предмети што најмногу Ве намачија како ученик?
– Тоа се Техничко образование, Ликовно образование и посебно скокање јарец на часот по физичко. 🙂
- Три работи во кои сте добра, и три во кои не Ве бива?
-Мислам дека сум добра во Правото, во свирењето виолина и во пливањето. А не ме бива за готвење и пеглање 🙂
- Три места во Македонија што радо би ги посетиле?
-Тоа се Удово, манастирот во Зрзе и Мариово.
- Три најдобри книги, филмови и песни?
-Меѓу книгите изборот ми е Животинска фарма (Џорџ Орвел), Сапиенс (Јувал Ноа Харари) и Ги бранев оние што беа осудени на смрт (Фила Филота). Меѓу филмовите и сериите уживам во Градот на Ангелите, Ефектот на пеперутката и серијата – Круна. А од песните ги избирам сите од Тоше Порески – Цреша, Уште една скала и Солзи прават златен прстен.
- Три омилени јадења?
-Сакам едноставни работи – овес со јогурт, манџа грашок и сендвич со тиквица од „Спицикато“.
- Три совети кои ги давате на другите?
– Не се врзувајте за функција се е пролазно.
– Најважно е да останете човек и да не заборавите од каде потекнувате.
– Се поминува само љубовта е таа што ја носиме засекогаш, затоа дозволете си да љубите колку и да боли понекогаш.
