Граѓаните да внимаваат на повикот за донации за Турција што на социјална мрежа Инстаграм е објавен на профилот под име црвенкрстбалкан, предупреди денеска Црвен крст на Северна Македонија. Оваа организација укажува дека таква организација не е нивен дел.
-На Инстаграм се појави профил под име црвенкрстбалкан. Таа организација не е дел од Црвениот крст, бидејќи никогаш не постел Црвен крст Балкан. Во секоја земја има само една организација на Црвен крст. Црвениот крст на Северна Македонија е членка на Меѓународната Федерација на Црвен крст и Црвена Полумесечина која брои 192 земји и целата помош и поддршка за настраданите во Турција и Сирија ја реализира координирано и со насоки од Меѓународната Федерација и Црвената Турска Полумесечина. Секој може да работи, да помогне на луѓето, но тоа да го прави во сопствено име почитувајќи го интегритетот на секоја друга организација и без употреба и злоупотреба на логото и името на некоја друга организација како што во случајот е името на Црвениот крст. За овој случај на злоупотреба се информирани надлежните органи, објави денеска Црвен крст на Северна Македонија.
На профилот на Истаграм на црвенкрстбалкан е обајвено дека се „собираат донаци за Турција“.
