И денеска продолжуваат реакциите и незадоволството кај јавноста во Македонија од препораките истакнати од академик Драги Ѓоргиев и македонските членови на историската македонско-бугарска комисија. Не се прифакаат препораките од политички избраната Комисија за историски прашања дека требало Македонија да ги чествува Цар Самоил, Светите Кирил и Методиј и Светите Климент и Наум заедно со Бугарија, а Требало да има и измени во учебниците по историја.
На реакциите се приклучи и универзитетската професорка Јасна Котеска од Филолошкиот факултет „Блаже Конески“ при УКИМ. Таа кратко преку Твитер напиша за историчарот Ѓоргиев кој е главен на македонскиот дел од мешовитата македонско – бугарска комисија.
Во продолжение го пренесуваме целиот нејзин текст:
-Замисли да добиваш секој месец академска награда од буџетот на Р. Македонија. И потоа за 80,000 евра да ја распродадеш нејзината историја, традиција и да ги лажираш историските факти во интерес на сосед. Тие пари се проколнати и таа научна кариера уништена. Тоа е Драги Ѓоргиев.