СДСМ има јасен, конкретен и издржан план за иднината преточен во новата изборна програма. Еден од клучните столбови од планот на СДСМ за европска иднина на Македонија е европско образование, во конкретни мерки и проекти за учениците. СДСМ гарантира безбедност и сигурност за учениците, велат од партијата.
– Еден од проектите е бесплатен топол оброк за учениците во основните и средните училишта. Предвиден е и бесплатен јавен превоз за сите ученици и студенти. Децата се нашата иднина! Младите сакаат да живеат во европска Македонија, со европски стандард, европски вредности и начин на живот. Со СДСМ нема откажување од европскиот пат, нема откажување од иднината – нагласуваат во партиското соопштение.