СДСМ во континуитет се грижи за сите граѓани, пред се за пензионерите, за да обезбеди достоен и пристоен живот за секој пензионер. СДСМ ја зголеми просечната пензија за 40 проценти, во споредба со ДПМНЕ, соопшти денеска СДСМ.
Владеачката партија укажува дека во време на власта на ВМРО-ДПМНЕ, во 2016 година, просечната пензија изнесувала 13.754 денари, додека во март 2023 година просечната пензија е покачена на околу 20.000 денари.
-Во времето на ДПМНЕ минималната пензија беше 9.000 денари, денес е 13.200 денари. Со воспоставената методологија за усогласување на пензиите, покачувањето на пензиите никогаш повеќе нема да зависи од нечија политичка волја, туку ќе се усогласува на секои шест месеци врз основа на растот на трошоците за живот и на просечната плата, нагласуваат од оваа партија.
Се додава дека СДСМ како одговорна партија останува посветена на обезбедување пристојни пензионерски денови за нашите повозрасни граѓани, особено во ова време на глобална економска и енергетска криза.
