Откако најголемите македонски партии ВМРО-ДПМНЕ и СДСМ ги потврдија кандидатурите на Гордана Силјаноска – Давкова и Стево Пендаровски за претстојните претседателски избори, партиските препукувања земаат замав. СДСМ излезе со соопштение кое ви го пренесуваме во целост:
– Она што го нуди ДПМНЕ и Силјановска е да се откажеме од иднината, од надежта, да се изолираме и да се збогуваме со секоја вистинска и суштина промена за подобро утре.
Силјановска Давкова ги спроведува политиките на ДПМНЕ на блокади и кочење на европскиот пат во македонското Собрание, се противи на Договорот од Преспа и на Преговарачката рамка за влез во ЕУ.
Силјановска е реприза на Иванов.
ДПМНЕ не може да донесе никаква промена на подобро, потврда за тоа е катастрофата што се случува во Скопје но и во општините коишто ги води.
Патот до ЕУ е тежок и долг, но дава единствена реална надеж за светла иднина на нашата земја и сите наши граѓани.
Изборот е јасен: ЕУ со Стево Пендаровски или изолација со Гордана Силјановска, стои во соопштението на СДСМ.
