Сончево со умерена облачност, температура до 25 степени

Денеска во Скопје времето ќе биде сончево со мала до умерена облачност. Ќе биде потопло од вчера. Минималната температура ќе се спушти до 8, а максималната ќе достигне до 25 степени.

Во останатите делови од Македонија времето ќе биде сончево и потопло со умерена облачност. Во западните подрачја ќе има услови за краткотраен локален дожд и ќе дува повремено засилен ветер од западен правец.

Минималната температура ќе биде во интервал до 12, а максималната ќе достигне од 27 степени.

Во наредните денови ќе преовладува претежно стабилно и потопло време со појава на локален попладневен дожд.