Стрелачката Анастасија Мојсовска не се пласираше во финалето на дисциплината воздушна пушка на 10 метри на Олимписките игри во Париз.
Дваесет и двегодишната Мојсовска оствари вкупен резултат од 625,3 поени по шесте серии пукање во квалификациите, со што го зазеде 31. место во конкуренција на 43 натпреварувачки. Овој резултат е послаб од нејзиниот личен рекорд од 628,8 поени. Во шесте серии имаше резултат од 104,5/103,7/104,3/104,4/104,0/104,4 кругови.
-Позади нас оставивме европски и светски прваци како што се Чешка, Велика Британија, САД, Германија, Бразил и други. За влез во финалето беа потребни 631,3 кругови, односно ни фалеа само шест круга, изјави селекторот Тасевски.
Првото место го освои Јужнокорејката Хјоџин Бан со 634,5 поени, што е нов олимписки рекорд во квалификациите.
