Со тешки телесни повреди се здобил мотоциклистот во сообраќајна несреќа што се случила синоќа во Бутел.
-Во 18:30 часот било пријавено дека во Скопје, на крстосницата од ул.„Бутелска“ и ул.„Љуботенски пат“ се случила сообраќајна незгода помеѓу патничко возило „ауди А4“, со скопски регистарски ознаки, управувано од Д.Д.(37) од Скопје, мотоцикл „пијаџо беверли“, со скопски регистарски ознаки, управуван од А.П.(33) од Скопје, патничко возило „фиат брава“, со скопски регистарски ознаки, управувано од Д.Ц.(31) од Скопје и патничко возило „рено клио“, со скопски регистарски ознаки, управувано од Љ.В.(65) од Скопје, соопшто полицијата.
Во незгодата, со тешки телесни повреди се здобил мотоциклистот, констатирани во Градската општа болница „Св.Наум Охридски“. Извршен бил увид на местото на незгодата од увидна екипа од СВР Скопје.
