Четири лица се тешко повредени во сообраќајка која се случила вчера околу 15.45 минути, на патот Куманово-Крива Паланка. Повредени биле и возачите и сопатниците.
– На 30.10.2023 во 15.45 часот во СВР Куманово било пријавено дека на магистралниот пат Куманово-Крива Паланка, во атар на с.Сув Орах, се случила сообраќајна несреќа помеѓу патничко моторно возило „ауди“ со пробни регистарски ознаки, управувано од Ф.С.(20) од с.Петровец, скопско и патничко моторно возило „мазда“ со кривопаланечки регистарски ознаки, управувано од Н.Ц.(29) од с.Псача, општина Ранковце. Во несреќата со тешки телесни повреди се здобиле двајцата возачи и нивните двајца сопатници, А.Д.(18) од с.Петровец и С.Ц.(37) од с.Псача, констатирани во Општа болница Куманово, информираат од МВР.
Увид на местото на несреќата извршила увидна екипа од СВР Куманово.
