Расчистено убиството на 67-годишна жена во Струмица. Полицијата од овој град во врска со немилиот случајот привела двајца малолетници.
Од МВР информираат дека по добиено сознание во СВР Струмица дека во текот на вчерашниот ден (19 февруари), во куќа во градот се извршени кривични дела разбојништво и силување, извршен бил претрес во куќата на улицата „Балканска“, каде мртва била пронајдена 67-годишната Д.М.
По преземените мерки за расчистување на случајот и извршената обдукција по наредба на јавен обвинител, било утврдено дека смртта настанaла по насилен пат, поради задушување. Поради сомнение дека се извршители на кривично дело убиство, вчера во Гевгелија бил уапсен малолетник (13 години), а потоа и 14-годишник од Струмица.
Со цел обезбедување на дополнителни докази, бил извршен претрес во домовите на осомничените.
Во просториите на струмичката полиција, во присуство на педагог од Центарот за социјални работи Струмица, родител и адвокат, извршен е службен разговор со осомничените, при што целосно е расчистено кривичното дело, а малолетниците се предадени во Oсновното јавно обвинителство и во Центарот за социјални работи во Струмица, за понатамошна постапка.
