Три лица се тешко повредени вчера во сообраќајка меѓу автомобил и трактор на патот Демир Капија – Неготино, кај место викано „Дисанска река“. Увид извршила увидна екипа од ОВР Неготино.
– На 14.11.2023 околу 16.30 часот во ОВР Неготино било пријавено дека на регионалниот пат Демир Капија – Неготино, кај место викано „Дисанска река“, се случила сообраќајна несреќа помеѓу патничко возило „опел“, управувано од Г.Ц.(64) од село Тремник, неготинско и трактор, управуван од Д.Т.(71) од Неготино, двете со неготински регистарски ознаки. Во несреќата со тешки телесни повреди се здобиле В.Ц.(56) од село Тремник, сопатничка во патничкото возило „опел“ и возачот на тракторот, констатирани во болницата во Велес, иформираат од МВР.
По овластување на јавен обвинител, увид извршила увидна екипа од ОВР Неготино.
