Три лица ставени во државен карантин на сопствен трошок

Во текот на изминатото деноноќие во Македонија на 651 лице им се издадени решенија за изолација, а 346 лица потпишале изјави за самоизолација, соопшти МВР.

-Од страна на полициски службеници извршени се контроли кај лица во изолација и самоизолација, при што три лица кои не ја почитувале мерката за изолација и самоизолација, ќе бидат спроведени во државен карантин на сопствен трошок, а ќе им бидат поднесени и кривични пријави по член 206 од Кривичниот законик на РСМ, се наведува во информацијата.

По однос на мерката за неносење лична заштита на лице регистрирани се 618 прекршоци.